O alcalde de Boiro, Xosé Deira, xa puxo data á firma do convenio coa cadea vasca Eroski, que permitirá incorporar o pazo de Goiáns ao patrimonio público en base a unha permuta.

Será no propio pazo o vindeiro xoves 17, coincidindo co Día dás Letras Galegas, pois María Mariño viviu alí. Deira asinará o documento co representante de Eroski en Galicia, Álvaro Pedrosa. Desde ese momento, o Concello estará en condicións de poder usar o pazo, aínda que a titularidade municipal non será efectiva ata que conclúa o longo proceso administrativo que se inicia agora.

Brinde con pacharán
O EQUIPO de goberno de Boiro aprobou o novo convenio con Eroski. Preténdese cambiar os 16.500 metros cadrados de edificabilidade que a firma posúe en Goiáns por 54.600 en Pedreira. Con esta operación, o pazo e a leira de Goiáns pasarán a titularidade pública e a empresa veráse compensada por esa cesión cunha nova gran bolsa de terreo, o triplo do anterior, en pleno centro de Boiro. A falta de explicacións precisas e claras que descoñezo, o resultado da negociación é tan favorable á firma vasca que os seus directivos deben estar brindando con pacharán.