A discoteca xa estivo pechada un mes por abrir sen licenza e foi multada cinco veces por un total de 8.000 €.
O dono pon en dúbida as medicións policiais e alega que a contaminación acústica é allea ao local.
O alcalde de Boiro, Xosé Deira, contratou a unha empresa homologada para que inspeccione a emisión de ruídos da discoteca Dogma, sita na rúa Pablo Iglesias. Do resultado desa medición dependerá se o rexidor ratifica ou non a orde de pechadura do local que dictou o pasado día 14 de novembro tras incoar tres expedientes sancionadores por senllas infraccions graves.

O concelleiro socialista boirense, Juan Jesús Ares, non está de acordo con que se fagan obras que eliminen os aparcadoiros dos que tan necesitada está a nosa vila, sin antes habilitar outros.

Pola sua banda, o concelleiro de urbanismo do BNG, Juan León, seguramente debido á proximidade da cita electoral municipal, ten moita presa en facer obras na Avenida da Constitución, que implican destruir centos de prazas de aparcadoiro, sin buscarlle antes alternativas ó problema grave que sabe que vai causar.