|
Crise no goberno municipal |
|
|
|
escrito por Colaboración
|
|
jueves, 14 de septiembre de 2006 |
A recualificación de terreos rompe o goberno tripartito de Boiro
O goberno tripartito de Boiro reduciuse onte a bipartito despois de que o alcalde, Xosé Deira (do BNG), decidise expulsar do executivo ao independente Manuel Velo , co que o órgano queda en minoría para o que falta de mandato. A decisión do rexedor baseouse na oposición que o ex socio mantiña coa maior parte das últimas accións do goberno, pero especialmente dous: sendas recualificacións de terreos para establecer dúas grandes superficies no municipio.
Velo , cuns trinta anos de antigüidade na política local boirense á que accedeu no PSOE, ata que foi suspendido da militancia, expresou publicamente o seu rexeitamento ás dúas operacións urbanísticas deixando entrever a existencia de «pelotazos».
O goberno local queda reducido a oito concelleiros, cinco do BNG e tres do PSOE, mentres que a oposición estará liderada polo PP, con oito actas. |
|
Modificado el ( viernes, 15 de septiembre de 2006 )
|
