Medio cento de artistas modelaron a area en Boiro.

 Barraña deu cabida a unha exposición de impresionantes esculturas, como un Buda ou a torre de Goiáns

A area da praia de Barraña cobrou forma grazas ao esforzo de medio cento de artistas, que converteron o paraxe nun improvisado museo.

Fixérono no marco dun concurso organizado pola Concellería de Turismo co fin de recuperar unha actividade que se celebraba na vila na década dos setenta. A idea do Concello era impulsar daquela tradición e, a tenor do número de participantes e da calidade das obras, parece que o conseguiu. Entre os traballos máis aplaudidos figuraba o buda realizado polos checos Bendra Pachasky e Michael Stray, que se levaron o primeiro premio na categoría de grupo; e o impresionante castelo construído por Junoi Pintos, que gañou no apartado de adultos.

O segundo premio foi para o artista boirense Manuel Silva, Bisgue . Na categoría infantil, os premios foron a parar a mans de Alejandro Tubío, Mauro Dieste, Jorge Dieste e Adrián Sende; mentres que na xuvenil, os gañadores foron Laura Isorna, Alejandra López e Claudia Álvarez.

Pese a non participar no certamen, Aaron Ojeda deleitou aos presentes ao elaborar unha impresionante escultura con motivos mariños.